Plantun de Prouvènço

Pèr coumpara dos planto d'encò nostre

Caltha palustris & Anthemis cretica subsp. gerardiana

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Uei-de-vaco(-de-Gérard)

Anthemis cretica subsp. gerardiana

Asteraceae Compositae

Autre noum : Margaridié.

Nom en français : Anthémis de Gérard.

Descripcioun :
Aquest uei-de-vaco trachis dins li tepiero roucaiouso de nòsti colo dessubre 200 m. Fai de mato o de bouissoun emé de fueio sedouso, argentado e di forço peludo ; pamens sènton gaire au frounsimen. Se destrìo dis àutri subsp. qu'a de bratèio bourdado de blanc o de brun clar. Aquesto meno es uno endemico de Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Anthemis
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 5 à 6 mm
Flourido : Printèms - Estiéu

Sòu : Ca
Autour basso e auto : 200 à 1200 m
Aparado : Noun
Remarco : Endemico de Prouvènço
Jun à avoust

Liò : Tepiero roucaiouso
Estànci : Mesoumediterran à Subremediterran
Couroulougi : Estenoumediterrano-Nord-Ouèst
Ref. sc. : Anthemis cretica subsp. gerardiana (Jord.) Greuter, 2005

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Anthemis cretica subsp. gerardiana

ges

Coumpara Gauche-d'aigo emé uno autro planto

Coumpara Uei-de-vaco(-de-Gérard) emé uno autro planto